114:1 ¶ I te putanga mai o Iharaira i Ihipa, o te whare o Hakopa i te iwi reo ke,

114:2 Ko Hura tona wahi tapu, ko Iharaira tona rangatiratanga.

114:3 I kite te moana, a whati ana: i whakahokia ki muri a Horano.

114:4 Pekepeke ana nga maunga ano he hipi toa, nga pukepuke ano he reme.

114:5 I ahatia koe, e te moana, i whati ai koe e Horano, i whakahokia ai koe ki muri?

114:6 E nga maunga, i pekepeke ai koutou ano he hipi toa; e nga pukepuke, ano he reme?

114:7 E wiri, e te whenua, i te aroaro o te Ariki; i te aroaro o te Atua o Hakopa;