PREVIOUS CHAPTER - NEXT CHAPTER - HELP     

12:1 in finem psalmus David usquequo Domine oblivisceris me in finem usquequo avertis faciem tuam a me

12:2 quamdiu ponam consilia in anima mea dolorem in corde meo per diem

12:3 usquequo exaltabitur inimicus meus super me

12:4 respice exaudi me Domine Deus meus inlumina oculos meos ne umquam obdormiam in mortem

12:5 nequando dicat inimicus meus praevalui adversus eum qui tribulant me exultabunt si motus fuero

12:6 ego autem in misericordia tua speravi exultabit cor meum in salutari tuo cantabo Domino qui bona tribuit mihi et psallam nomini Domini altissimi

GOTO NEXT CHAPTER - VULGATE INDEX & SEARCH