PREVIOUS CHAPTER - NEXT CHAPTER - HELP     

128:1 canticum graduum saepe expugnaverunt me a iuventute mea dicat nunc Israhel

128:2 saepe expugnaverunt me a iuventute mea etenim non potuerunt mihi

128:3 supra dorsum meum fabricabantur peccatores prolongaverunt iniquitatem suam

128:4 Dominus iustus concidet cervices peccatorum

128:5 confundantur et convertantur retrorsum omnes qui oderunt Sion

128:6 fiant sicut faenum tectorum quod priusquam evellatur exaruit

128:7 de quo non implevit manum suam qui metit et sinum suum qui manipulos colligit

128:8 et non dixerunt qui praeteribant benedictio Domini super vos benediximus vobis in nomine Domini

GOTO NEXT CHAPTER - VULGATE INDEX & SEARCH