PREVIOUS CHAPTER - NEXT CHAPTER - HELP     

137:1 ipsi David confitebor tibi Domine in toto corde meo quoniam audisti verba oris mei in conspectu angelorum psallam tibi

137:2 adorabo ad templum sanctum tuum et confitebor nomini tuo super misericordia tua et veritate tua quoniam magnificasti super omne nomen sanctum tuum

137:3 in quacumque die invocavero te exaudi me multiplicabis me in anima mea virtute

137:4 confiteantur tibi Domine omnes reges terrae quia audierunt omnia verba oris tui

137:5 et cantent in viis Domini quoniam magna gloria Domini

137:6 quoniam excelsus Dominus et humilia respicit et alta a longe cognoscit

137:7 si ambulavero in medio tribulationis vivificabis me super iram inimicorum meorum extendisti manum tuam et salvum me fecit dextera tua

137:8 Dominus retribuet propter me Domine misericordia tua in saeculum opera manuum tuarum ne dispicias

GOTO NEXT CHAPTER - VULGATE INDEX & SEARCH