PREVIOUS CHAPTER - NEXT CHAPTER - HELP     

Psa 99:1
יהוה מלך ירגזו עמים ישׁב כרובים תנוט הארץ׃
Psa 99:2
יהוה בציון גדול ורם הוא על  כל  העמים׃
Psa 99:3
יודו שׁמך גדול ונורא קדושׁ הוא׃
Psa 99:4
ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Psa 99:5
רוממו יהוה אלהינו והשׁתחוו להדם רגליו קדושׁ הוא׃
Psa 99:6
משׁה ואהרן בכהניו ושׁמואל בקראי שׁמו קראים אל  יהוה  והוא  יענם׃  
Psa 99:7
בעמוד ענן ידבר אליהם שׁמרו עדתיו וחק נתן׃
Psa 99:8
יהוה אלהינו אתה עניתם אל  נשׂא  היית  להם  ונקם  על  עלילותם׃
Psa 99:9
רוממו יהוה אלהינו והשׁתחוו להר קדשׁו כי  קדושׁ  יהוה  אלהינו׃

GOTO NEXT CHAPTER - HEBREW & GREEK INDEX & SEARCH