PREVIOUS CHAPTER - NEXT CHAPTER - HELP     

81:1 psalmus Asaph Deus stetit in synagoga deorum in medio autem Deus deiudicat

81:2 usquequo iudicatis iniquitatem et facies peccatorum sumitis diapsalma

81:3 iudicate egenum et pupillum humilem et pauperem iustificate

81:4 eripite pauperem et egenum de manu peccatoris liberate

81:5 nescierunt neque intellexerunt in tenebris ambulant movebuntur omnia fundamenta terrae

81:6 ego dixi dii estis et filii Excelsi omnes

81:7 vos autem sicut homines moriemini et sicut unus de principibus cadetis

81:8 surge Deus iudica terram quoniam tu hereditabis in omnibus gentibus

GOTO NEXT CHAPTER - VULGATE INDEX & SEARCH