82:1 Asafs-sálmur. Guð stendur á guðaþingi, heldur dóm mitt á meðal guðanna:

82:2 ,,Hversu lengi ætlið þér að dæma með rangsleitni og draga taum hinna óguðlegu? [Sela]

82:3 Rekið réttar bágstaddra og föðurlausra, látið hinn þjáða og fátæka ná rétti sínum,

82:4 bjargið bágstöddum og snauðum, frelsið þá af hendi óguðlegra.``

82:5 Þeir hafa eigi skyn né skilning, þeir ráfa í myrkri, allar undirstöður jarðarinnar riða.

82:6 Ég hefi sagt: ,,Þér eruð guðir og allir saman synir Hins hæsta,

82:7 en sannlega skuluð þér deyja sem menn, falla sem einn af höfðingjunum.``