Кайгыга батканда сооротуусун сурап Кудайга сыйынуу

76:1 Ырчылар тобунун башчысына. Жедутундуку боюнча. Асаптын забуру.

76:2 Yнүм Кудайга жетсин, жардам сурап кайрылам; үнүм Кудайга жетсин, Ал мени угат.

76:3 Башыма кыйынчылык түшкөн күнү Теңирди издейм; түн ичинде сунулган колум түшпөйт; жаным тынчтангысы келбейт.

76:4 Кудайды ойлоп титиреп жатам. Ойлоно берип, рухум алсырап бара жатат.

76:5 Сен мага кирпик кактырбайсың, кыйналдым, сүйлөөгө дарманым жок.

76:6 Байыркы күндөр жөнүндө, өтүп кеткен жылдар жөнүндө ойлоном.

76:7 Түнкүсүн ырларымды үстейм, жүрөгүм менен сырдашам, рухум менин алдыма суроо коёт:

76:8 “Чын эле, Теңир биротоло баш тарттыбы, мындан ары ырайым кылбайбы?

76:9 Чын эле, Анын ырайымы биротоло токтодубу, Анын убада сөзү укумдан-тукумга жетпей эзүлдүбү?

76:10 Чын эле, Кудай ырайым кылганды унуттубу? Чын эле, Ал ачуусу менен өзүнүн боорукерлигин токтотуп койдубу?”

76:11 Мен дагы: «Бардыгынан жогору турган Кудайдын оң колунун өзгөргөнү – менин кайгым», – дедим.

76:12 Теңирдин иштерин эске салам. Сенин мурунку кереметтериңди эске салам.

76:13 Сенин бардык иштериң жөнүндө ой жүгүртөм, Сенин улуу иштериң жөнүндө ойлоном.

76:14 Кудай! Сенин жолуң ыйык. Биздин улуу Кудайдай Кудай барбы?

76:15 Сен укмуштарды жараткан Кудайсың. өз кудуретиңди элдердин арасында айкын көрсөттүң.

76:16 Сен өзүңдүн кудуреттүү күчүң менен өз элиңди, Жакып менен Жусуптун уулдарын куткардың.

76:17 Кудайым, Сени суулар көрүштү, Сени суулар көрүп коркушту, туңгуюктар титирешти.

76:18 Булуттар сууларын төгүп, асмандан күн күркүрөдү, Сенин жебелериң учту.

76:19 Сенин добулуңдун үнү бүт асманга жаңырды, чагылган ааламды жарык кылды, жер солкулдап титиреди.

76:20 Сенин жолуң деңизде жатат, Сенин чыйырың чоң сууларда жатат, Сенин изиңди үч ким таппайт.

76:21 өз элиңди Мусанын жана Арундун колу менен койлорду эүрчиткенсип эүрчитип жүрдүң.

СЛЕДУЮЩАЯ ГЛАВА - ИНДЕКС БИБЛИИ И ПОИСК