131:1 Табынуу үчүн бара жаткандагы ыр. Теңир, Дөөттү үсте, анын бардык азап-кайгысын үсте.
131:2 Анын Теңирге кандай ант бергенин, Жакыптын Күчтүүсүнө кандай убада бергенин үсте:
131:3 «Теңирге жай тапмайынча, Жакыптын Күчтүүсүнө турак-жай тапмайынча,
131:4 үйүмө кирбейм, төшөгүмө жатпайм,
131:5 көз ирмебейм, кирпик какпайм».
131:6 Биз ал жөнүндө эфратадан уктук, биз аны Жейарим талааларынан таптык.
131:7 Анын турак-жайына баралы, Анын бут алдына жыгылып таазим кылалы.
131:8 Теңир, өзүңдүн бейпил жайыңа кудуретиңди көрсөткөн келишим сандыгың менен кел.
131:9 Сенин ыйык кызмат кылуучуларың адилеттикти кийишет, Сенин ыйыктарың кубанышат.
131:10 өз кулуң Дөөт үчүн өзүңдүн майланганыңдан жүз бурба.
131:11 Теңир Дөөткө: «Сенин тактыңа өз тукумуңдан отургузам.
131:12 үгерде сенин уулдарың Менин келишимимди жана аларга эйрөтө турган мыйзамдарымды сакташса, анда алардын уулдары да түбөлүккө сенин тактыңда отурушат», – деп ант берген, аны таптакыр бузбайт.
131:13 Анткени Теңир Сионду тандап алды, аны өзүнө турак жай кылууну каалады.
131:14 «Бул Менин бейпил жайым, ушул жерге жайгашам, анткени Мен ушул жерди кааладым.
131:15 Анын тамагына батамды мол берем, анын жакырларын нанга тойгузам.
131:16 Анын ыйык кызмат кылуучуларына куткарылуу кийгизем, анын ыйыктары кубанышат.
131:17 Ал жерде Дөөттүн мүйүзүн кайрадан көтөрөм, өзүмдүн майланганыма чырактан даярдадым.
131:18 Душмандарын уятка калтырам, ал эми анын башындагы таажысы жаркырап турат».
