Кудайдан күч-кубат сурап сыйынуу

60:1 Ырчылар тобунун башчысына. Кыл аспап менен. Дөөттүкү.

60:2 Кудай, менин зар-муңума кулак сал, сыйынуумду ук.

60:3 Жүрөгүм кайгыга чөгүп жаткандыктан, мен Сени жердин түбүнөн чакырып жатам. Мени өзүм чыга албай турган аскага чыгар.

60:4 Анткени Сен менин баш калкалар жайымсың, Сен менин душмандан коргогон бекем мунарамсың.

60:5 Мен Сенин үйүңдө түбөлүк жашайын, Сенин канатыңдын астында тынч алайын.

60:6 Анткени Сен, Кудайым, менин убадаларымды уккансың, Сенин ысымыңдан корккондорго элүш бергенсиң.

60:7 Падышанын күндөрүнө күн кош, анын жылдарын муундан муунга улант.

60:8 Ал Кудайдын алдында түбөлүк болсун. Аны өзүңдүн ырайымың жана чындыгың менен сакта.

60:9 Ошондо мен Сенин ысымыңды түбөлүккө даңктап ырдайм, убадаларымды күн сайын аткарам.

СЛЕДУЮЩАЯ ГЛАВА - ИНДЕКС БИБЛИИ И ПОИСК