PREVIOUS CHAPTER - NEXT CHAPTER - HELP - GR VIDEOS - GR YOUTUBE - TWITTER - SD1 YOUTUBE    

Nah 1:1
משׂא נינוה ספר חזון נחום האלקשׁי׃
Nah 1:2
אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו׃
Nah 1:3
יהוה ארך אפים וגדול כח ונקה לא ינקה יהוה בסופה ובשׂערה דרכו וענן אבק  רגליו׃
Nah 1:4
גוער בים ויבשׁהו וכל הנהרות החריב אמלל בשׁן וכרמל ופרח לבנון אמלל׃
Nah 1:5
הרים רעשׁו ממנו והגבעות התמגגו ותשׂא הארץ מפניו ותבל וכל ישׁבי׃
Nah 1:6
לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃
Nah 1:7
טוב יהוה למעוז ביום צרה וידע חסי׃
Nah 1:8
ובשׁטף עבר כלה יעשׂה מקומה ואיביו ירדף חשׁך׃
Nah 1:9
מה תחשׁבון אל יהוה כלה הוא עשׂה לא תקום פעמים צרה׃
Nah 1:10
כי עד סירים סבכים וכסבאם סבואים אכלו כקשׁ יבשׁ מלא׃
Nah 1:11
ממך יצא חשׁב על יהוה רעה יעץ בליעל׃
Nah 1:12
כה אמר יהוה אם שׁלמים וכן רבים וכן נגזו ועבר וענתך לא אענך עוד׃
Nah 1:13
ועתה אשׁבר מטהו מעליך ומוסרתיך אנתק׃
Nah 1:14
וצוה עליך יהוה לא יזרע משׁמך עוד מבית אלהיך אכרית פסל ומסכה אשׂים קברך כי קלות׃
Nah 1:15 (2:1)
הנה על ההרים רגלי מבשׂר משׁמיע שׁלום חגי יהודה חגיך שׁלמי נדריך כי לא יוסיף עוד לעבור בך בליעל כלה נכרת׃

GOTO NEXT CHAPTER - HEBREW & GREEK INDEX & SEARCH