20:1 Ашур падышасы Саргон жиберген тартан Азотко келип, ага каршы согушуп, аны басып алды.
20:2 Ошол жылы Амос уулу Ышайага Теңир: «Бар, белиңден зумбалыңды чеч, бутуңдагы сандалыңды чеч», – деп айтты. Ал так ошондой кылды. Жылаңач жана жылаңайлак жүрдү.
20:3 Анан Теңир мындай деди: «Менин кулум Ышайа Мисир менен эфиопия жөнүндө көрсөтмө жана жышаан болуп, үч жыл жылаңач жана жылаңайлак жүргөндөй,
20:4 Ашур падышасы Мисирди уят кылып, Мисир туткундарын, эфиопиянын куугунтукталып жүргөндөрүн, жаш-кары дебей, жылаңач, жылаңайлак кылып, белине чейин жылаңачтап алып жөнөйт».
20:5 Ошондо өздөрү эмүт кылган эфиопияны, өздөрү мактанган Мисирди көрүп эрөйлөрү учуп, уялышат.
20:6 Ошол күнү ушул өлкөнүн тургундары: «Ашур падышасынан куткарылышыбыз үчүн биз эмүттөнгөн эфиопияга, биз жардам сурап кайрылган Мисирге мына эмне болду? эми биз кантип куткарылабыз?» – дешет.
