Билдаттын экинчи сөзү

18:1 Шухтук Билдат мындай деп жооп берди:

18:2 «Ушундай сөзүңөрдү качан токтотосуңар? Жакшылап ойлонгула, анан сүйлөйбүз.

18:3 үмне үчүн биз айбан катары эсептелишибиз керек? эмне үчүн биз сенин алдыңда кемсинтилишибиз керек?

18:4 Оо, сен, ачууланып, өзүн азапка салган неме! Сен үчүн жер эүн калмак беле, сен үчүн аска-зоо ордунан козголмок беле?

18:5 Ооба, мыйзамсыздын жарыгы өчөт, анын отунан учкун калбайт!

18:6 Чатырындагы жарык караңгылайт, анын үстүндөгү шамы да өчөт.

18:7 Анын кудуреттүү кадамы кыскарат, өзүнүн ою өзүн кулатат.

18:8 Анткени ал өз буту менен торго түшөт, тордун үстүндө басат.

18:9 Анын буту тузакка түшөт, ошондо тоноочу аны кармап алат.

18:10 Ал үчүн жерге тузак жашыруун тартылган, жолуна капкан коюлган.

18:11 Бардык тарабынан коркунучтар анын эрөйүн учуруп, ары-бери алдастатат.

18:12 Ачкалыктан алы кетет, өлүм анын жанында даяр турат.

18:13 Анын дене мүчөлөрүн оору жейт, анын мүчөлөрүн эң жаман оору мүлжүйт.

18:14 Ємүтү чатырынан куулат, бул аны эрөй учурган коркунучтар падышасына түшүрөт.

18:15 Анын чатырына башка бирөөлөр кирет, анткени ал эми аныкы эмес. Анын үйүнө күкүрт чачылат.

18:16 Түбүндөгү тамыры кургайт, үстүндөгү шак-бутактары соолуп калат.

18:17 Анын аты жер үстүнөн өчөт, анын ысымы аянтта оозго алынбай калат.

18:18 Аны жарыктан караңгылыкка кууп, жер үстүнөн жок кылышат.

18:19 өзүнүн элинде анын уулу да, небереси да болбойт, анын турагында үч ким калбайт.

18:20 Ал жөнүндө укканда, кийинки муундун эрөйү учат, замандаштары калтырап турушат.

18:21 Мыйзамсыздын өмүрү мына ушундай, Кудайды билбегендин тагдыры мына ушундай».

СЛЕДУЮЩАЯ ГЛАВА - ИНДЕКС БИБЛИИ И ПОИСК