Сопардын сөзү

20:1 Наамалык Сопар мындай деп жооп берди:

20:2 «өзүмдүн ойлорум мени жооп берүүгө түртүп жатат, ошондуктан мен аны билдирүүгө шашылам.

20:3 Мени ыза кылган жемени уктум, мен үчүн акыл-үсим жооп берет.

20:4 Сен эмне, байыртадан бери, адам баласы жер бетине коюлгандан бери эмне болгонун билбейсиңби?

20:5 Мыйзамсыздардын шаттыгы убактылуу экенин, эки жүздүүнүн кубанычы көз ирмем экенин билбейсиңби?

20:6 Анын даражасы асманга жетсе да, төбөсү булуттарга тийсе да,

20:7 өзүнүн заңына окшоп, ал түбөлүккө жоголот. Аны көргөндөр: “Ал кайда?” – дешет.

20:8 Көргөн түштөй көздөн кайым болот, аны таппай калышат. Ал түнкү көрүнүштөй жоголот.

20:9 Аны көргөн көз аны экинчи көрбөйт, ал отурган орун аны билбей калат.

20:10 Анын уулдары жакырлардан кайыр сурап калат, ал уурдагандарын өз колу менен кайрып берет.

20:11 Анын сөөктөрү жаштыктын күчүнө толгон, бирок ал аны менен бирге топуракка жатат.

20:12 үгерде кыянаттык анын оозунда балдай таттуу болсо, ал аны тилинин астында жашырып турса,

20:13 аны сактап жүрсө, таштап салбай, оозунда кармап жүрсө,

20:14 анда анын ушул тамагы ичинде уулуу жыландын уусуна айланат.

20:15 Ал жутуп алган байлыгын кайра кусат. Кудай аны анын курсагынан чыгарат.

20:16 Ал жыландын уусун соруп жатат, аны уулуу жыландын тили өлтүрөт.

20:17 Ал бал менен сүт аккан өзөндөрдү, дарыяларды көрбөй өтөт.

20:18 Тапканын кайтарып берет, жутпайт. Анын алган жазасы да байлыгына жараша болот, кубанбайт.

20:19 Анткени ал жакырларды эзген, куру кол коё берген, өзү курбаган үйлөрдү тартып алган.

20:20 Курсагы тойгонун билбеген, ач көздүгүнөн үч нерсени аяган эмес.

20:21 Анын соргоктугунан үч нерсе качып кутулган эмес. Ошон үчүн анын бактысы туруктуу эмес.

20:22 Ашып-ташыган молчулук болуп турса да, ал кысталышта калат. Ыза болгон ар ким ага кол көтөрөт.

20:23 Ал курсагын толтургандан кийин, Кудай ага өзүнүн каарын чачат да, анын денесине дарт жаадырат.

20:24 Ал темир куралдан качып кутулса, аны жез жебе тешип өтөт.

20:25 Жебени сууруп алайын десе, ал денесин тешип чыгат, жарк этип, өтүн тешип чыгат. Аны өлүм коркунучу басып калат!

20:26 Бардык караңгы нерселер анын ичинде жашырылган. Аны үч ким тутантпаган от жалмайт. Анын чатырында тирүү калганын да кырсык басат.

20:27 Анын мыйзамсыздыгын асман ачат, жер ага каршы чыгат.

20:28 Анын үйүнө жыйганы жок болот, Кудайдын каары келген күнү бардыгы агып жок болот.

20:29 Мыйзамсыз кишиге Кудай берген элүш ушул, кудуреттүү Кудай бөлүп берген мурас ушул».

СЛЕДУЮЩАЯ ГЛАВА - ИНДЕКС БИБЛИИ И ПОИСК