33:1 Ошондуктан, Аюб, менин сөздөрүмө кулак сал, менин бардык сөздөрүмдү ук.

33:2 Мына, мен оозумду ачып жатам, менин тилим көмөкөйүмдө сүйлөп жатат.

33:3 Менин сөздөрүм таза жүрөктөн чыгат, оозум таза билимди сүйлөйт.

33:4 Мени Кудайдын Руху жараткан, мага кудуреттүү Кудайдын деми жан берген.

33:5 үгерде жооп бере алсаң, жооп бер, даярдан, менин алдымда сүйлө.

33:6 Кудайдын алдында мен да сендеймин, мен да сага окшоп топурактан жаратылгам.

33:7 Ошондуктан менден коркуп тынчың кетпесин, менин колум сен үчүн оор болбосун.

33:8 Сен менин кулагыма сүйлөдүң, мен сенин сүйлөгөн үнүңдү уктум.

33:9 Сен: “Мен тазамын, кемчилигим жок, күнөөлүү эмесмин, менде жалганчылык жок.

33:10 Бирок Кудай менден айып тапты, мени өзүнүн душманы деп эсептейт.

33:11 Менин буттарымды көзөнөк жыгачка салып, менин бардык жолдорумду карап турат”, – дедиң.

33:12 Сенин ушинтип айтканың туура эмес, мен сага муну далилдеп берем, анткени Кудай адамдан жогору.

33:13 үмне үчүн сен Аны менен айтышып жатасың? Ал өзүнүн иштеринин биринин да эсеп-кысабын бербейт.

33:14 Кудай бир жолу айтат, эгерде аны байкабай калышса, экинчи жолу:

33:15 түшүндө, түнкү көрүнүштө, адамдардын баары уктап жатканда, төшөгүндө эргүлөп жатканда айтат.

33:16 Ошол учурда Ал адамдын кулагын ачып, өзүнүн насаатын куят.

33:17 Адамды кандайдыр бир жаман иштен буруп кетиш үчүн жана анын текеберлигин жок кылыш үчүн,

33:18 анын жанын туңгуюктан сакташ үчүн жана анын өмүрүн кылычтан өлүүдөн сакташ үчүн ошентет.

33:19 Же болбосо ал оору аркылуу, сай-сөөгүн сыздаткан оору аркылуу төшөктө жатып эсине келет.

33:20 Анын нанга көңүлү чаппай калат, жаны жактырган тамакты жүүрип калат.

33:21 үти качат, көрүнбөгөн сөөктөрү көрүнүп, оркоюп чыгат.

33:22 Анын жаны көргө, өмүрү өлүмгө жакындайт.

33:23 үгерде анын адамга түз жол көрсөтүүчү, миңдеген периштелердин бири болгон насаатчы периштеси бар болсо,

33:24 Кудай ага боор ооруп: “Аны көрдөн куткар, Мен анын жаны үчүн төлөнүүчү кун таптым”, – дейт.

33:25 Ошондо анын денеси жаш кезиндегиден да жаш болуп калат. Ал өзүнүн жаш чагына кайрылып келет.

33:26 Кудайга сыйына турган болсо, Ал ага ырайым кылат. Ал анын жүзүнө кубаныч менен карайт. Адамга адилдигин кайра берет.

33:27 Ошондо ал адамдарга карап, мындай деп айтат: “Мен күнөөгө батып, чындыкты бурмалагам, бирок жазаланган эмесмин.

33:28 Ал менин жанымды көрдөн куткарды, ошондуктан менин өмүрүм жарыкты көрүп жатат”.

33:29 Кудай адамга ушунун баарын эки-үч жолу кылат.

33:30 Анын жанын көрдөн алып калыш үчүн жана тирүүлөрдүн жарыгы менен жарык кылыш үчүн, ушундай кылат.

33:31 Көңүл бур, Аюб. Ук мени, эндөбө, мен сүйлөйүн!

33:32 үгер айтар жообуң болсо айт, сүйлө, анткени мен сенин актанышыңды каалар элем.

33:33 үгер жок десең, анда мени ук, унчукпа, мен сени акылмандыкка эйрөтөм».

СЛЕДУЮЩАЯ ГЛАВА - ИНДЕКС БИБЛИИ И ПОИСК