15:1 Мен чыныгы жүзүм Сабагымын, Атам болсо – Жүзүмчү.
15:2 Мендеги жемиш бербеген ар бир бутакты Ал кесип таштайт. Ал эми жемиш берип жаткан ар бир бутакты дагы көбүрөөк жемиш берсин деп тазалайт.
15:3 Силер Менин сөзүм аркылуу тазартылдыңар.
15:4 Менин ичимде болгула, ошондо Мен силердин ичиңерде болом. Сабактан ажыраган бутак жемиш бере албайт. Ошол сыяктуу эле силер да Менин ичимде болбосоңор, жемиш бере албайсыңар.
15:5 Мен Сабакмын, силер болсо бутактарсыңар. Ким Менин ичимде болсо, Мен анын ичинде болсом, ал көп жемиш берет. Анткени силер Менсиз үч нерсе кыла албайсыңар.
15:6 Ким Менин ичимде болбосо, ал бутак сыяктуу сыртка ыргытылат да куурап калат. Андай бутактарды чогултуп, отко ыргытышат, алар күйүп кетет.
15:7 үгерде Менин ичимде болсоңор, Менин сөздөрүм силердин ичиңерде болсо, эмне кааласаңар да сурагыла, силерге берилет.
15:8 үгерде силер көп жемиш берсеңер, Атам даңкталат, Менин шакирттерим болосуңар.
Сүйүү жөнүндө
15:9 Атам Мени кандай сүйсө, Мен силерди ошондой сүйөм. Силерде Менин сүйүүм болсун.
15:10 Мен Атамдын осуяттарын аткаргандыктан, Менде Анын сүйүүсү бар. Ошол сыяктуу эле Менин осуяттарымды аткарсаңар, силерде Менин сүйүүм болот.
15:11 Силерде Менин кубанычым болсун деп, силерде толук кубаныч болсун деп, Мен силерге ушул сөздөрдү айттым.
15:12 Менин осуятым бул: бири-бириңерди Мен силерди сүйгөндөй сүйгүлө.
15:13 Достору үчүн өз жанын берип коюудан өткөн сүйүү жок.
15:14 үгерде силер Менин айткан сөздөрүмдү аткарсаңар, Менин досторумсуңар.
15:15 Мындан ары силерди кул дебейм, анткени кул өз кожоюнунун эмне кылып жатканын билбейт. Мен силерди досторум дедим, анткени силерге Атамдан уккандарымдын баарын айтып бердим.
15:16 Силер Мени тандаган жоксуңар, Мен силерди тандап алдым. Барып, жемиш берсин деп, жемишиңер туруктуу болсун деп, силерди дайындадым. Ошондо Атамдан Менин ысымым урматына эмне сурасаңар да, Ал силерге берет.
15:17 Силерге бере турган осуятым бул: бири-бириңерди сүйгүлө.
15:18 үгерде бул дүйнө силерди жек көрсө, силерден мурун Мени жек көргөнүн билгиле.
15:19 үгерде силер бул дүйнөнүкү болсоңор, анда дүйнө өзүнүкүн сүймөк. Силер бул дүйнөнүкү эмессиңер, Мен силерди бул дүйнөдөн тандап алдым, ошондуктан бул дүйнө силерди жек көрөт.
15:20 “Кул өз кожоюнунан жогору эмес” деген сөзүм эсиңерде болсун. эгерде Мени кубалашкан болсо, силерди да кубалашат. эгерде Менин сөзүмдү угушкан болсо, силерди да угушат.
15:21 Мунун баарын силерге Менин ысымым үчүн кылышат, анткени Мени жиберген Кудайды билишпейт.
15:22 үгерде Мен келбесем, аларга айтпасам, аларда күнөө жок болмок. Азыр болсо алардын күнөөлөрү үчүн кечирим жок.
15:23 Ким Мени жек көрсө, ал Атамды да жек көрөт.
15:24 үгерде Мен аларга Менден башка үч ким кылбаган иштерди көрсөтпөгөн болсом, аларда күнөө жок болмок. Алар көрүштү, бирок Мени да, Атамды да жек көрүшөт.
15:25 Алардын мыйзамындагы “Мени себепсиз эле жек көрүшөт” деген сөз аткарылышы үчүн ушундай болду.
