3:1 Бир туугандар, биз үчүн сыйынып тургула, силердегидей эле бизде да Кудайдын Сөзү таратылсын жана даңкталсын.
3:2 Адепсиз, жаман адамдардан кутулушубуз үчүн да сыйынгыла, анткени баарында эле ишеним жок.
3:3 Бирок Теңир ишенимдүү, Ал силерди бекемдейт жана амалкөйдөн сактайт.
3:4 Теңир жолунда силер тууралуу биздин мындай бекем ишенимибиз бар: силер биздин буйруктарыбызды аткарып жатасыңар жана аткарасыңар.
3:5 Теңир силердин жүрөгүңөрдү Кудайдын сүйүүсүнө жана Машайактын чыдамдуулугуна багыттасын.
Жалкоолукка каршы эскертүү
3:6 Бир туугандар, Теңирибиз Ыйса Машайактын атынан буюрабыз: биздин силерге эйрөткөнүбүз боюнча эмес, оюна келгенин кылган ар бир бир туугандан алыс болгула.
3:7 Бизден кандай элгү алуу керектигин билесиңер, анткени биз силердин араңарда жүргөнүбүздө, адепсиздик кылган эмеспиз.
3:8 үч кимдин нанын бекер жеген эмеспиз, үч кимиңерге оорчулук келтирбеш үчүн, болгон күчүбүздү жумшап, күнү-түнү иштедик.
3:9 Укугубуздун жоктугунан эмес, силер бизди туурашыңар үчүн, силерге элгү бололу деп ошенттик.
3:10 Анткени биз араңарда жүргөнүбүздө, силерге «Ким иштегиси келбесе, ал жебеши да керек» деген көрсөтмө бергенбиз.
3:11 Бирок силердин араңардан күү бирөөлөр иштебей, болбогон иштер менен алек болуп, оюна келгенин кылып жатышканын угуп жатабыз.
3:12 Мындайларга Теңирибиз Ыйса Машайактын атынан буйрук кылабыз жана алардан өтүнөбүз: тынч иштеп, өз нанын таап жешсин.
3:13 Ал эми силер, бир туугандар, жакшылык кылуудан чарчабагыла.
3:14 Ушул каттагы сөздөрүбүзгө кулак салбаган адамга эскертүү бергиле жана уяткарыш үчүн, аны менен мамиле түзбөгүлө.
3:15 Бирок аны душман катары көрбөй, бир тууганыңар катары акыл айткыла.
3:16 Тынчтыктын булагы болгон Теңир өзү силерге ар дайым бардык нерседе тынчтык берсин! Теңир баарыңар менен болсун!
3:17 Мен, Пабыл, бул саламымды өз колум менен жазып жатам. Ар бир катымдагы белгим ушул. Мен ушундай жазам.
