31:1 Кызды карабайм деп, көзүм менен келишим түзгөм.

31:2 Мага жогорудан, Кудайдан кандай элүш тиймек эле? Асмандан, кудуреттүү Кудайдан кандай мурас берилмек эле?

31:3 өлүм мыйзамсыздар үчүн эмеспи, кырсык кыянаттык кылгандардын башына түшпөйбү?

31:4 Кудай менин жолдорумду көргөн жок беле? Менин баскан кадамымды эсептеген жок беле?

31:5 үгерде мен жалган жолдо жүргөн болсом, эгерде менин буттарым амалкөйлүккө шашкан болсо,

31:6 анда мени чындыктын таразасына тартышсын, ошондо Кудай менин айыпсыздыгымды билет.

31:7 үгерде менин бутум жолдон бурулган болсо, жүрөгүм көзүмдү эүрчип жүргөн болсо, эгерде таза эмес бир нерсе колума жабышып калган болсо,

31:8 анда мен сепкенди башка бирөө жесин жана мен өндүргөн нерсе тамырынан жулунсун.

31:9 үгерде менин жүрөгүм аялга азгырылса, жакынымдын эшигинин алдына тузак койгон болсом,

31:10 анда менин аялым башка бирөөнүн жаргылчагын тартсын, аны башка бирөөлөр маскара кылышсын.

31:11 Анткени бул – ойноштук, бул – сотко тартыла турган күнөө.

31:12 Бул – менин бүт мал-мүлкүмдү түп-тамыры менен жок кылып сала турган жалмап салуучу от.

31:13 Кулум менен күңүм мага каршы чыкканда, алардын укуктарын тоотпой койгон болсом,

31:14 анда Кудай мага каршы чыгар эле, ошондо мен эмне кылар элем? Ал менин ишимди тергей баштаса, мен Ага эмне деп жооп бере алар элем?

31:15 Мени да, аны да эненин курсагында жараткан өзү эмеспи, бизди эненин курсагында жасаган өзү эмеспи?

31:16 Жакырлардын сураганын бербей койдум беле? Жесирдин көзүн жалдыраттым беле?

31:17 Бир эзүм нанды жалгыз жедим беле? Андан жетим да жеген жок беле?

31:18 Анткени ал бала күнүнөн бери меникинде атасыныкында жашагандай жашады, энемдин курсагынан чыккандан бери мен жесирге көз салып келдим.

31:19 Мен кийими жок өлүп бара жатканды, жамынчысы жок жардыны көргөндө,

31:20 ал мага чын жүрөктөн батасын бербей койду беле? Ал менин койлорумдун жүнүнө жылынган жок беле?

31:21 Дарбаза алдында мага жардам беришсе да, жетимге кол көтөрсөм,

31:22 анда менин ийиним далымдан бөлүнүп түшүп калсын, колум чыканагымдан сынып түшсүн.

31:23 Анткени Кудайдын жазасы мен үчүн өтө коркунучтуу. Анын улуулугунун алдында мен туруштук бере алмак эмесмин.

31:24 Мен алтынга таяндым беле? Байлыкка: “Менин эмүтүм сенсиң!” – деп айттым беле?

31:25 Байлыгымдын ашып-ташыганына, колумдун көп тапканына кубандым беле?

31:26 Күндүн жаркырап тийип турганын карап туруп, айдын сөөлөттүү калкып баратканын карап туруп,

31:27 жүрөгүм жашыруун азгырылды беле, оозум колдорумду өптү беле?

31:28 Анда бул да сотко тартыла турган кылмыш болмок, анткени мен кудуреттүү Кудайдан баш тарткан болор элем.

31:29 Мен душманымдын кыйраганына кубандым беле? Анын башына түн түшкөндө, салтанат курдум беле?

31:30 Оозумдун аны каргап күнөөгө батуусуна жол берген эмесмин.

31:31 Менин чатырымдагы кишилер: “Оо, анын этинен жегендерден үч ким тойбой калган эмес!” – дешкен жок беле?

31:32 Бөтөн жерден келген киши көчөдө түнөгөн эмес. Жолоочуга эшигимди ачып берчүмүн.

31:33 үгерде мен адам катары күнөөлөрүмдү жашырып койгон болсом, мыйзамсыз иштеримди көкүрөгүмө катып койгон болсом,

31:34 анда мен чоң жамааттан коркор элем, урук-туугандарымдын жек көрүүсү эрөйүмдү учурар эле, мен ооз ачпас элем, босогодон сыртка чыкпас элем.

31:35 Оо, мени кимдир бирөө укса кана! Менин каалоом мындай: кудуреттүү Кудай мага жооп берсе экен, менин коргоочум буларды китепке жазып койсо экен.

31:36 Мен аны ийиниме көтөрүп жүрөр элем, башыма гүл таажыдай кийип алар элем.

31:37 Баскан кадамымдын санын ага кабарлар элем, ага төрөгө жакындагандай жакындар элем.

31:38 үгерде жерим менин үстүмөн арызданып ыйлаган болсо, анын бороздору менин үстүмөн даттанган болсо,

31:39 үгерде мен анын түшүмүн акысыз жеген болсом, дыйкандардын жашоосун кыйынчылыкка салган болсом,

31:40 анда буудай ордуна төө тикенек, арпа ордуна карамык өссүн». Ошентип, Аюбдун сөзү бүттү.

СЛЕДУЮЩАЯ ГЛАВА - ИНДЕКС БИБЛИИ И ПОИСК