3:1 Ошондуктан, ыйык бир туугандар, асман чакырыгынын катышуучулары, биздин ишенимибиздин негизи болгон элчи жана Башкы ыйык кызмат кылуучу Ыйсаны карагыла.
3:2 Кудай үйүндө бардык жагынан Кудайга ишенимдүү болгон Муса сыяктуу эле, Ыйса да өзүн дайындаган Кудайга ишенимдүү.
3:3 Єйдү курган адам эйгө караганда чоң урматка эү болгондой эле, Мусага караганда Ыйса чоң урматка эү.
3:4 Ар бир эйдүн куруучусу бар, ал эми бардык нерсенин куруучусу – Кудай.
3:5 Муса болсо жарыяланышы керек болгон сөздөрдү жарыялаш үчүн, Кудай үйүндө кызматчы катары бардык жагынан ишенимдүү болгон.
3:6 Ал эми Машайак Анын үйүндө Уулу катары ишенимдүү. Анын үйү болсо бизбиз. эгерде кайраттуулугубузду жана мактанган эмүтүбүздү аягына чейин бекем сактасак, Анын үйүбүз.
Ишенбестикке карата эскертүү
3:7 Ошондуктан Ыйык Рух айткандай: «Бүгүн Анын үнүн укканыңарда,
3:9 Ата-бабаларыңар ал жерде Мени сынашты, кырк жыл бою Менин иштеримди көрүштү.
3:10 Ошондуктан Мен ал муунга каардана мындай дедим: “Жүрөктөрү кайра-кайра адашат, алар Менин жолдорумду таанып билишкен жок”.
3:11 Ошондуктан Мен каарданып турганымда: “Алар Менин бейпил жайыма киришпейт”, – деп ант бергем».
3:12 Бир туугандар, сак болгула, тирүү Кудайдан баш тартпашыңар үчүн, үч кимиңердин жүрөгүңөрдө амалкөйлүк, ишенбестик болбосун.
3:13 Кимдир бирөөңөр күнөөгө азгырылып, жүрөгүңөрдү катуулантпашыңар үчүн, «бүгүн» деп айта турган күн келгенге чейин, ар күнү бири-бириңерге акыл-насаат айткыла.
3:14 Баштапкы ишенимибизди акырына чейин бекем сактаганда гана Машайак менен катышыбыз болот.
3:15 Жогоруда айтылгандай: «Бүгүн Анын үнүн укканыңарда, козголоң убагындагыдай, жүрөгүңөрдү катуулантпагыла».
3:16 Анын үнүн уккандар, Ага каршы чыккандар кимдер эле? Мусанын жетеги менен Мисирден чыккандардын баары эмес беле?
3:17 Кырк жыл бою Кудай кимге каарданды эле? Күнөө кылгандарга эмеспи? Алардын сөөгү чөлдө калган.
3:18 «Алар Менин бейпил жайыма киришпейт», – деп, баш ийбегендерге каршы ант бербегенде, анан кимге каршы ант берди эле?
3:19 Ошентип, биз алардын ишенбестиктен улам кире албагандыгын көрүп турабыз.
