24:1 Жуманын биринчи күнү аялдар өздөрү даярдаган жыпар жыттуу майларды алып, таң заардан мүрзөгө келишти.
24:2 Алар мүрзөнүн оозундагы таштын четке жылдырылып калганын көрүштү,
24:3 ичине кирип, Теңир Ыйсанын сөөгүн таппай калышты.
24:4 Алар буга таң калып турушканда, күтүлбөгөн жерден алардын алдына жаркыраган кийимчен эки адам туруп калды.
24:5 Аялдар коркуп кетип, жер карап калышканда, алар: «үмнеге өлүктөрдүн арасынан Тирүүнү издеп жүрөсүңөр?
24:6 Ал бул жерде жок, Ал тирилди! Анын Галилеяда жүргөндө силерге айткан сөздөрүн үстегилечи.
24:7 “Адам Уулу күнөөкөрлөрдүн колуна салынып берилип, айкаш жыгачка кадалып, үчүнчү күнү тирилиши керек”, – деп айткан эмес беле», – дешти.
24:8 Ошондо аялдар Ыйсанын сөздөрүн үстешти.
24:9 Алар мүрзөдөн кайтып келишип, мунун баарын он бир шакиртке жана башкаларга кабарлашты.
24:10 Муну элчилерге айткандар магдалалык Мариям, Жахана, Жакыптын энеси Мариям жана алардын жанында жүргөн башка аялдар эле.
24:11 үлчилер аялдарга ишенишкен жок, бул сөздөр аларга куру сөздөй сезилди.
24:12 Бирок Петир ордунан тура калып, мүрзөгө чуркап келди да, үңкейип карап, жерде жаткан кепинди гана көрдү. Ал болгон окуяга таң калып, артына кайтты.
үмауска бара жаткан жолдо
24:13 Так ошол күнү эки шакирт Иерусалимден болжол менен алтымыш стадий алыстыкта жайгашкан эмаус деген бир айылга жөнөдү.
24:14 Алар жолдо ушул окуяларды талкуулап, сүйлөшүп бара жатышканда,
24:15 Ыйса жакын келип, аларга кошулду.
24:16 Бирок алардын көздөрү жабылып калгандыктан, Аны таанышкан жок.
24:17 Ыйса алардан: «Силер эмне жөнүндө сүйлөшүп келе жатасыңар, эмнеге капалуусуңар?» – деп сурады.
24:18 Алардын бири Клеопа Ага: «Ушул күндөрү Иерусалимде болуп өткөн окуяны жалгыз эле сен билбейт окшойсуң», – деди.
24:19 Ыйса алардан: «Кайсы окуяны?» – деп сурады. Алар Ага мындай деп жооп беришти: «Назареттик Ыйсаны эмне кылышканын билбейсиңби? Ал Кудай алдында, эл алдында иши менен да, сөзү менен да күчтүү пайгамбар болчу.
24:20 Биздин башкы ыйык кызмат кылуучуларыбыз, башкаруучуларыбыз Аны өлүм жазасына тартыш үчүн кармап берип, айкаш жыгачка кадатып салышты.
24:21 Бул окуянын болгонуна үч күн болду. Биз болсо: “Ал Ысрайыл элин куткарат”, – деп эмүттөнүп жүргөнбүз.
24:22 Бирок арабызда жүргөн күү бир аялдар бизди аябай таң калтырышты. Алар таң заардан мүрзөгө барып,
24:23 Анын сөөгүн таппай калышыптыр. Кайтып келишкенде, Анын тирүү экендигин айткан периштелерди көрүшкөндүгүн айтышты.
24:24 Биздин арабыздан күү бирөөлөр мүрзөгө барышса, аялдардын айтканындай болуп чыгыптыр. Бирок алар Ыйсанын өзүн көрүшпөптүр».
24:25 Ошондо Ыйса аларга: «Пайгамбарлардын айткандарына оңой менен ишенбеген акылсыздар!
24:26 өзүнүн даңкына эү болордон мурун, Машайак ушундай азаптарды башынан өткөрүшү керек эмес беле?» – деди.
24:27 Анан аларга «Тоорат», «Пайгамбарлар» жана «Жазмалар» китептеринде өзү тууралуу айтылгандардын баарын түшүндүрүп берди.
24:28 Алар өздөрү бара жаткан айылга жакын келип калышканда, Ыйса аларга андан ары жолун улантчудай түр көрсөттү.
24:29 Бирок алар: «Биз менен кал, күн да батайын деп калды», – деп, Аны калууга аргасыз кылышты. Ыйса алар менен бирге айылга кирди.
24:30 Алар менен чогуу дасторконго отурганда, Ал колуна нан алып, Кудайга ыраазычылык билдирди да, аларга сындырып берди.
24:31 Ошондо алардын көздөрү ачылып, Аны тааный коюшту. Бирок Ыйса аларга көрүнбөй калды.
24:32 Алар бири-бирине: «Ал жолдо бизге сүйлөп келе жатканда, бизге Ыйык Жазууну түшүндүрүп берип жатканда, жүрөгүбүз күйүп-жанбады беле?» – дешти да,
24:33 ошол замат орундарынан туруп, Иерусалимге кайтып келишти. Ал жерден алар чогулган он бир элчиге жана алардын жанындагыларга жолугушту.
24:34 Алар: «Теңир чын эле тирилиптир, Ал Шымонго көрүнүптүр», – деп сүйлөшүп жатышкан эле.
24:35 Бул эки шакирт болсо аларга жолдо болгон окуяны, Аны нан сындырып жатканда гана таанышкандыгын айтып беришти.
Ыйсанын он бир шакиртке көрүнүшү
24:36 Алар ушул жөнүндө сүйлөшүп жатышканда, Ыйса өзү алардын ортосуна туруп калды да, аларга: «Силерге тынчтык!» – деди.
24:37 Катуу коркуп кеткен алар: «үлес көрүп жатабыз го», – деп ойлошту.
24:38 Бирок Ыйса аларга: «үмне коркуп кеттиңер? эмнеге шектенип жатасыңар?
24:39 Менин колдорумду, буттарымды карагылачы: Бул Мен, өзүммүн. Мага колуңарды тийгизип көргүлө, элестин денеси да, сөөгү да болбойт, бирок өзүңөр көрүп тургандай, Менде бар», – деп,
24:40 аларга колу-бутун көрсөттү.
24:41 Алар бир чети кубанып, бир чети таң калып, көргөн көздөрүнө ишене албай турушканда, Ыйса алардан: «Бул жерде силердин жей турган бир нерсеңер барбы?» – деп сурады.
24:42 Ошондо алар Ага бир кесим куурулган балык беришти.
24:43 Ыйса аны алып, шакирттеринин көзүнчө жеди.
24:44 Андан кийин Ыйса аларга мындай деди: «Силер менен бирге жүргөнүмдө, Мен силерге “Тоорат”, “Пайгамбарлар” жана “Забур” китептеринде Мен тууралуу жазылгандардын бардыгы орундалышы керек деп айтпадым беле».
24:45 Ошондон кийин Ыйык Жазууну түшүнүшү үчүн, Ыйса алардын акылын ачты.
Акыркы буйрук
24:46 Анан аларга мындай деди: «Ыйык Жазууда: “Машайак азап чегип өлүп, үчүнчү күнү тирилиши керек.
24:47 Иерусалимдин элинен баштап, бардык элдерге күнөөлөрү кечирилиши үчүн тобо кылуу Анын ысымынан жарыяланышы керек”, – деп жазылган.
24:48 Буга силер өзүңөр күбөсүңөр.
Ыйса Машайактын асманга көтөрүлүп кетиши
24:49 Мен силерге Атамдын убада кылганын жөнөтөмүн. Силер болсо жогорудан келе турган күчтү алганыңарча, Иерусалим шаарында калгыла».
24:50 Анан аларды шаардан чыгарып, Бетанияга жакын жерге эүрчитип келди да, колун жогору көтөрүп, аларга бата берди.
24:51 Бата бергенден кийин, алардан бөлүнүп, асманга көтөрүлүп кетти.
24:52 Ошондо алар Ага таазим кылышты да, зор кубаныч менен Иерусалимге кайтып келишти.
24:53 Дайыма ийбадатканада болуп, Кудайды даңктап жүрүштү.
